यमुना खनाल 
स्वास्थ्य सेवा सुधार अभियान चलाउनु भएका मधेश प्रदेशका मुख्यमन्त्री  सतिशकुमार सिंहले  धनुषा ,सर्लाही पछि सिरहा र सप्तरीका बिभिन्न नीजी अस्पतालको अनुगमन गर्नु भएको छ । 
 सिंहले सिरहाको मिर्चैयामा  र आईतबार सप्तरीको बोधेबषाँईनमा सञ्चालित अस्पतालमा शनिबार आईतबार  छड्के अनुगमनगरी सिरहामा १३ र सप्तरीमा  चार वटा अस्पतल बन्द गरिएको छ । 

प्रदेशको स्वास्थ्य तथा जनसंख्या मन्त्रालयका जनस्वास्थ्य अधिकृत सन्तोषकुमार ठाकुरका अनुसार मुख्यमन्त्री सिंहले  अनुगमन थालेदेखि  १६२ निजी स्वास्थ्य संस्थाको अनुगमन गरिएको छ । तीमध्ये १७ वटा मात्र मापदण्ड परा गरेर संन्चालन गरिएको पाइएको छ  । ११२ अस्पताल बन्द गराइएको छ । कुनै निकायमा दर्ता नगरी  संन्चालन गरिएका ११२ अस्पताल बन्द गरिएको मुख्यमन्त्री सतिस कुमार सिंहले जानकारी दिनु भएको छ । 

गत शनिबार मिर्चैयामा गरिएको अनुगमनका क्रममा  १३ वटा अस्पताल बन्द गराइएको मुख्यमन्त्री सिंहले जानकारी दिनुभएको छ । अनुगमनका क्रममा सिद्धकामना हस्पिटल, विष्णु पोलिक्लिनिक, मंगलम हेल्थ केयर सेन्टर  बालकल्याण हेल्थ केयर, बालसंसार हेल्थ केयर,समित माउन्ट हस्पिटल, एसजेके पोलिक्लिनिक, बन्द गराइएको उहाँले बताउनुभयो ।

त्यस्तै शान्ति हेल्थ केयर, लक्ष्मी हेल्थ केयर  श्रीराम ओरल एन्ड डेन्टल क्लिनिक, रेखा नर्सिङ होम, मिथिला आँखा उपचार केन्द्र, र लाइफ लाइन क्लिनिक पनि बन्द गराइएको छ । बन्द गराइएका अस्पताल दर्ता नरहेको र कतिपय नवीकरण नभएर पनि अवैध रूपमा चल्दै आएको पाइएको सिंहले जानकारी दिनु भयो । 

अनुगमन टोली देखेर सिद्धकामना हस्पिटलको सटर बन्द गरी भाग्न खोज्ने  दुई कर्मचारीलाई प्रहरीको जिम्मा लगाइएको स्वास्थ्य मन्त्रालयका जनस्वास्थ्य अधिकृत संतोष कुमार ठाकुरले बताउनुभयो ।
मुख्यमन्त्री सिंह नेतृत्वको अनुगमन टोलीले  मिर्चैयास्थित कटारी चोकमा सञ्चालित मुंगेरिया स्वीट्स एन्ड चाट हाउसको कारखाना सिल गरिएको छ । खाने कुरा बनाउँदा अखाद्य तथा कुहिएका बस्तु प्रयोग गरिएको र जथाभावी फोहोरमैला देखिएपछि कारखाना सिल गरिएको हो ।

सप्तरीमा मुख्यमन्त्री सिंहले अनुगमन गर्ने क्रममा अनुमतिविना सञ्चालित लाइफ केयर पोलिक्लिनिक प्रालि, सगरमाथा डेन्टल क्लिनिक प्रालि, नइमा हेल्थ केयर एन्ड डाइग्नोस्टिक सेन्टर ,अक्टोभोग आइकेयर प्रालि, छिन्नमस्ता डेन्टल क्लिनिक प्रालि,  बन्द गर्न निर्देशन दिनु भएको छ । 

स्वास्थ्य व्यवसायी परिषद्बाट दर्ता प्रमाणपत्र नलिई मापदण्डविपरीत आकस्मिक उपचार कक्षमा ८ बेड र अन्तरङ्ग विभागमा ९ बेड सञ्चालन गरिरहेको जीवन ज्योति हस्पिटललाई १५ दिनभित्र कानूनसम्मत ढङ्गले सञ्चालन गर्न निर्देशन दिइएको छ ।
बोदेबर्साइन नगरपालिकाबाट १५ शय्याको सेवा सञ्चालन अनुमति प्राप्त गरेको सो अस्पतालले मापदण्डविपरीत विभिन्न कक्ष तथा विभागमा बढी शय्या सञ्चालन गरिरहेको पाइएको मुख्यमन्त्री सिंहको भनाइ छ ।

यस्तै तोकिएको निकायबाट सेवा प्रदान गर्ने अनुमति नलिएका स्वास्थ्यकर्मीका भरमै स्वास्थ्य सेवा प्रदान गर्दै आएकाले मुख्यमन्त्री सिंहले अस्पताललाई नियमसम्मत तवरले सञ्चालन गर्न निर्देशन दिए ।

स्थानीय तहबाट १५ शय्याको सेवा सञ्चालन अनुमति प्राप्त गरेको सो अस्पतालले मापदण्डअनुसार नै सेवा दिनुपर्ने स्थिति देखिएकाले स्वास्थ्य संस्था सञ्चालन निर्देशिकाअनुसार प्रदेश सरकारको स्वास्थ्य तथा जनसंख्या मन्त्रालयबाट १५ दिनभित्र अनुगमन गराई मापदण्डअनुसारको व्यवस्थापनका आधारमा मात्र अस्पताल सञ्चालन गर्न मुख्यमन्त्री सिंहले निर्देशन दिएको उनका प्रेस सल्लाहकार अनिलकुमार कर्णले जानकारी दिए ।

उनले नेपाल स्वास्थ्य व्यवसायी परिषद् ऐन २०५२ को ब्यबस्था अनुसार प्रारम्भ भएको एक वर्षपछि दर्तावाला स्वास्थ्य व्यवसायीबाहेक अन्य स्वास्थ्य व्यवसायीले प्रत्यक्ष वा अप्रत्यक्ष रूपले स्वास्थ्य सेवा प्रदान गर्ने कामलाई दण्डनीय भनेको छ ।

युवासंघ नेपालका केन्द्रिय सदस्य सुमित श्रेष्ठकोे  ज्यानमार्ने योजना बनाईरहेको अडियो सार्बजनिक, पत्रकार सम्मेलन गरी  अनुसंन्धान र कार्बाही गर्न माँग  

# मिता खबर

मीता एफएम १०६ मेगाहर्ज   राष्ट्रिय युवासंघ नेपालका केन्द्रिय सदस्य सुमित श्रेष्ठले आफ्‌नो  ज्यान मार्ने योजना बनाईरहेको अडियो सहित सजिलो

सगरमाथा चौधरी आँखा अस्पतालको महिला कर्मचारीमाथि मानसिक यातना घटना प्रकरण , छानबीन जारी, दोषी देखिएका जो कोहीमाथि अस्पताल निर्मम कार्बाही गर्न प्रतिबद्ध

# मिता खबर

मीता एफएम १०६ मेगाहर्ज   सगरमाथा चौधरी आँखा अस्पतालको कान बिभागमा कार्यरत महिला  कर्मचारीमाथि मानसिक यातना घटना प्रकरण छिटै समस्या समाधान

सिराहाका एसपी रमेश पण्डित हेडक्वार्टर तानिए

# मिता खबर

दुर्गा खनाल मीता एफएम  सिराहाका प्रहरी प्रमुख उपरीक्षक (एसपी) रमेश पण्डितलाई गृह मन्त्रालयले फर्ता बोलाएको छ ।  सिरहाको औरहीमा दलित परिवारको घर